महाराष्ट्र शासनाने महात्मा फुले कृषी विद्यापीठ राहुरी अंतर्गत पशू संवर्धन दुग्धशास्त्र विभाग, कृषी महाविद्यालय, पुणे येथे देशी गाय संशोधन व प्रशिक्षण केंद्र चालू केलेले आहे. त्या अंतर्गत भारतातील दुधासाठी प्रसिद्ध असलेल्या साहिवाल, गीर, राठी, थारपारकर, लाल सिंधी इत्यादी दुधाळ गाईंचे तुलनात्मक संशोधन होणार आहे. त्या अंतर्गत विविध गाईंचे प्रात्यक्षिक युनिट उभारून शेतकरी बांधवांना प्रत्यक्ष अनुभव घेण्यासाठी प्रशिक्षण देण्यात येणार आहे. त्याच बरोबर चारा उत्पादन, पशुखाद्य, मुरघास, अजोला, औषधी वनस्पतींचा वापर, होमिओपॅथी इत्यादी गोष्टींचा अभ्यास या संशोधन केंद्रावर होणार आहे. बायोगॅस, गांडूळ खत व शेण व गोमूत्र आधारित विविध प्रकारचे खते व वस्तू बनवण्याचे प्रशिक्षण सुद्धा शेतकरी बांधवांना देण्यात येणार आहे..